राष्ट्रपति पौडेल र सभामुख अर्यालबीच शीतल निवासमा भेटवार्ता

काठमाडौं । राष्ट्रपति रामचन्द्र पौडेल र सभामुख डीपी अर्याल बीच शुक्रबार राष्ट्रपति भवन शीतल निवासमा भेटवार्ता भएको छ ।

सभामुख अर्याल शीतल निवास पुगेर राष्ट्रपति पौडेलसँग समसामयिक राजनीतिक तथा संसदीय विषयमा छलफल गरेका हुन् । राष्ट्रपतिको सचिवालयका अनुसार भेटमा सरकारको नीति तथा कार्यक्रम, संसद्को आगामी कार्यसूची तथा समसामयिक राष्ट्रिय विषयमा कुराकानी भएको थियो ।

राष्ट्रपति पौडेलले बिहीबार संघीय संसद्को संयुक्त बैठकमा सरकारको आगामी आर्थिक वर्षको नीति तथा कार्यक्रम प्रस्तुत गरेका थिए । उक्त नीति तथा कार्यक्रममाथि आजदेखि प्रतिनिधि सभामा छलफल सुरु हुँदैछ । संसद् बैठकअघि सभामुख अर्याल शीतल निवास पुगेपछि भेटलाई अर्थपूर्ण रूपमा हेरिएको छ ।