लायन्स बागलुङ मुक्तिनाथद्धारा सिगाना माविलाई ल्यापटप र प्रोजेक्टर सहयोग

बागलुङ । लायन्स क्लब अफ बागलुङ मुक्तिनाथले बागलुङ नगरपालिका–९ तित्याङस्थित सिगाना माध्यमिक विद्यालयलाई शैक्षिक सामग्री स्वरूप ल्यापटप र प्रोजेक्टर सहयोग गरेको छ ।

बुधबार आयोजित कार्यक्रममा क्लबकी अध्यक्ष प्रकृति राजभण्डारीले विद्यालयलाई उक्त सामग्री औपचारिक रूपमा हस्तान्तरण गर्नुभएको हो । सहयोग सामग्री अमेरिकास्थित सामाजिक संस्था इएकआइ को सहयोगमा उपलब्ध गराइएको बताइएको छ ।

कार्यक्रममा विद्यालय व्यवस्थापन समितिका सदस्यहरू अनन्त खड्का र रामबहादुर खड्का, सहायक प्रधानाध्यापक ईन्द्रा खड्का, रिजन चियर पर्सन जुनु श्रेष्ठ तथा डिष्ट्रिक कोडिनेटर कविता बस्नेतले मन्तव्य व्यक्त गरेका थिए ।

कार्यक्रम लायन्स क्लब अफ बागलुङ मुक्तिनाथकी अध्यक्ष प्रकृति राजभण्डारीको अध्यक्षतामा सम्पन्न भएको थियो । उपाध्यक्ष गीता श्रेष्ठले स्वागत मन्तव्य दिनुभएको थियो भने सचिव चाँदनी श्रेष्ठले कार्यक्रम सञ्चालन गर्नुभएको थियो ।

लायन्स क्लबले स्थापना कालदेखि नै सामाजिक, शैक्षिक, स्वास्थ्य, मानविय तथा धार्मिक क्षेत्रमा निरन्तर सहयोग गर्दै आएको छ ।