कता हराईन नायिका शिल्पा पोखरेल ?

असोज १३ गते, बहुविवाहको मुद्दा लागेपछी एकाएक फरार रहेकी अभिनेत्री शिल्पा पोखरेललाई गत भदौ १ गते सर्वोच्च अदालतका प्रधानन्यायाधीश चोलेन्द्रशम्सेर जबराको एकल इजलासले तत्काल पक्राउ नगर्न आदेश दियो ।

सर्वोच्चले आदेश दिएपनि उनी कुनै न कुनै रूपमा पक्राउ पर्न सक्ने भन्दै भूमिगत रूपमा लुक्दै हिडिन् । न कुनै मिडियामा छाइन न कुनै फिल्ममा साइन नै गरिन । एकाएक चर्चा र चासोका बिच भूमिगत बन्दै हिडेकी शिल्पा अचेल चलचित्र अभिनयका लागी खोजीमा रहेको बिभिन्न सञ्चारमाध्यहरूले जनाएका छन् ।

काठमाडौं जिल्ला अदालतले बहुविवाह सम्बन्धी मुद्दामा उनीविरूद्ध पक्राउ पुर्जी जारी गरेको थियो । उक्त पक्राउ पुर्जी विरूद्ध शिल्पा उच्च अदालत पाटन गएकी थिइन्। पाटनले जिल्ला अदालतको पक्राउ पुर्जी रोक्न अस्वीकार गरेपछि सर्वोच्च अदालत पुगेकी थिइन ।

नयाँ मुलुकी संहिताअनुसार बहुविवाह गर्ने पुरूष र महिलालाई १ देखि पाँच वर्षसम्म कैद र १० देखि ५० हजार रुपैयाँ  जरिवाना हुनसक्ने कानुनी प्रावधान रहेको छ  ।