जसपा नेपालको केन्द्रीय समिति बैठक बस्दै

काठमाडौँ । जनता समाजवादी पार्टी (जसपा) नेपालको केन्द्रीय समितिको बैठक आज बस्दैछ। बैठक बिहान ११ बजे ललितपुरको बालकुमारीस्थित पार्टी केन्द्रीय कार्यालयमा बस्न लागेको हो।

बैठकमा पार्टी समायोजनको विषयलाई मुख्य एजेन्डाका रूपमा राखेर छलफल हुने बताइएको छ। पछिल्लो राजनीतिक अवस्था, संगठन विस्तार तथा पार्टीभित्र देखिएका आन्तरिक विषयमा समेत बैठकमा छलफल हुने नेताहरूले बताएका छन्।

जसपा नेपालले पार्टी संगठनलाई थप व्यवस्थित र प्रभावकारी बनाउने उद्देश्यसहित विभिन्न तहमा समायोजन प्रक्रिया अघि बढाउँदै आएको छ। बैठकले पार्टीका संरचना, जिम्मेवारी बाँडफाँट तथा संगठनात्मक गतिविधिका विषयमा आवश्यक निर्णय लिन सक्ने जनाइएको छ।