असोज २३, २०८३ शुक्रबार
October 9, 2026
युग खबर
२०८३ असोज २३, शुक्रबार
काठमाण्डौं । गृहमन्त्री सुदन गुरुङ र नेपालका लागि अमेरिकी राजदूतावासकी कार्यवाहक राजदूत मेगन बोल्डिनबीच भेटवार्ता भएको छ ।
उनीहरुबीच बिहीबार सिंहदरबारस्थित गृह मन्त्रालयमा भेटवार्ता भएको हो ।
भेटमा उनीहरूबीच विपद् प्रतिकार्यका क्षेत्रमा नेपाल–अमेरिका सहकार्य तथा गत अगस्टमा आएको विनाशकारी बाढीमा बेपत्ता अमेरिकी र नेपाली नागरिकको पहिचानका लागि भइरहेका प्रयासबारे छलफल भएको अमेरिकी दूतावासले जनाएको छ।
अमेरिकी दूतावासका अनुसार नेपालमा बाढी प्रभावितका लागि ३ करोड ६० लाख अमेरिकी डलरभन्दा बढीको अमेरिकी सहायता परिचालन भइरहेको छ। साथै, नेपालका पहिलो उद्धारकर्तालाई सहयोग पुर्याउन अमेरिकी उपकरण, प्रविधि र विशेषज्ञता उपलब्ध गराइँदै आएको छ।
दूतावासले अमेरिकी सहयोग र नेपालसँगको साझेदारीले बाढी प्रभावित समुदायलाई पुनःस्थापना तथा पुनरुत्थानमा सहयोग पुर्याइरहेको जनाएको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया