काठमाण्डौंः नेपाल कम्युनिष्ट पार्टी (नेकपा) दाहाल- नेपाल समूहले निर्वाचन आयोगको कार्यालय पुगेर पार्टी र चुनाव चिन्हबारे आफ्नो दाबी पेश गरेको छ ।
नेकपाका अध्यक्षद्वय पुष्पकमल दाहाल प्रचण्ड, माधव नेपाल र वरिष्ठ नेता झलनाथ खनाल लगायतका एक दर्जन नेताहरुले आयोगलाई १९ पृष्ठ लामो निवेदन दिएका हुन् । यसका लागि मंगलबार बिहान १० बजे नै अध्यक्षद्वय पुष्पकमल दाहाल र माधव नेपालसहितका नेता आयोग पुगेका थिए ।
दाहाल- नेपाल समूहका वरिष्ठ नेता झलनाथ खनालले दुई पटक बसेको केन्द्रीय समिति बैठकले आफुहरु नै बैधानिक नेकपा भएको प्रमाणित गरिसकेकाले आवश्यक कागज पत्रसहित आयोग पुगेर दाबी पेश गरेको जानकारी दिए ।
राजनीतिक दल सम्बन्धी ऐन, २०७३ को दफा ४४ अनुसार पार्टीको आधिकारिकता दाबी गर्न दाबीसहितको पत्र, बहुमत केन्द्रीय कमिटी सदस्यको हस्ताक्षरलगायतको कागजपत्र आयोगमा बुझाएको छ । साथै पार्टी अध्यक्षबाट केपी शर्मा ओलीलाई हटाएर बहुमत केन्द्रीय सदस्यले माधव नेपाललाई चयन गरिएको समेत पुनः स्मरण गराइएको छ । यसअघिका दावीलाई प्रक्रियासम्मत नभएको ठहर गरेको निर्वाचन आयोगले दाहाल समूहले प्रस्तुत गरेको पछिल्लो दावीका विषयमा भने मुख खोलेको छैन ।
यो समूहले नेकपा फुटिसकेको र आफूहरु आधिकारिक पार्टी भएको दाबी गर्दै आइरहेको छ । दाहाल–नेपाल समूहले आफुहरुसँग ४ सय ४१ केन्द्रीय सदस्यमध्ये २ सय ७५ जना भन्दा बढी रहेकोले आफ्नो समूह नै आधिकारिक हुने जिकिर गरेको छ। आफूसँग झण्डै ३ सय केन्द्रीय सदस्य रहे पनि उपत्यकाबाहिर रहेका सदस्यको हस्ताक्षर छुटेकाले २ सय ७५ जनाको हस्ताक्षर बुझाउन सम्भव भएको यस समूहले जनाएको छ ।
निर्वाचन आयोगमा बुझाएको १९ पृष्ठ लामो पत्रको पूर्णविवरणः
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया