काठमाण्डौंः फ्रेन्च लिग वान फुटबलमा साविक विजेता पेरिस सेन्ट जर्मेन (पीएसजी) ले मार्सेली बिरुद्द जित दर्ता गरेको छ ।
आइतबार राति मार्सेलीको घरेलु मैदानमा भएको खेलमा पीएसजीले १० खेलाडीमा सिमित मार्सेलीलाई २-० गोल अन्तरले पराजित गरेको हो । पीएसजीको जितमा केलियन एमबाप्पे र मौरा इकार्डीले एक एक गोल गरे ।
खेलको नवौं मिनेटमा पीएसजीका लागि एमबाप्पेले गोल गर्दै टोलीलाई अग्रता दिलाएका थिए । त्यसपछि खेलको २४ औं मिनेटमा इकार्डीले गोल गर्दै पीएसजीलाई २-० को जित दिलाए ।
पहिलो हाफमै दुई शुन्यले अगि रहेको पाहुना टोली पीएसजीले सजिलै जित निकालेको हो । यस्तै खेलको इन्जुरी समयमा दिमित्री पायटले रातो कार्ड पाएपछि अन्तिम केहि समय मार्सेली १० खेलाडीमा समेटिएको थियो ।
जितसंगै पीएसजीले शीर्ष स्थानको लिलसँगको अंक दुरी कम गर्न सफल भएको छ । पीएसजीले २४ खेलमा ५१ अंक जोडेको छ । पराजित मार्सेली ३३ अंक जोडेर नवौं स्थानमा रहेको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया