माघ २३, २०७९ सोमबार February 6, 2023

सुदूरपश्चिम प्रदेशकी प्रदेश प्रमुख पन्तले गरिन् पदभार ग्रहण

शेयर गर्नुहोस:
फन्ट परिवर्तन गर्नुहोस:

काठमाडौं । नवनियुक्त सुदूरपश्चिम प्रदेश प्रमुख शर्मिला कुमारी पन्तले बिहीबार पदभारग्रहण गरेकी छन् । बुधबार धनगढी पुगेकी प्रदेश प्रमुख पन्तले बिहीबार धनगढी स्थित प्रदेश प्रमुखको कार्यालयमा पदभार ग्रहण गरेकी हुन् ।

पदभार ग्रहणपछि पत्रकारसँग संक्षिप्त कुरागर्दै उनले प्रदेश प्रमुखको जिम्मेवारी पाउदा खुशी र गौरव महसुस गरेको बताईन् । प्रदेश प्रमुख पन्तले संविधानको मर्म र भावना अनुरुप कर्तव्य पूरा गर्ने उल्लेख गर्दै यसमा सवैको साथ र सहयोगको अपेक्षा गरेको बताइन् ।

पदभारग्रहण अघि प्रदेश प्रमुख पन्तको सम्मानमा नेपाली सेनाको टुकडीले सलामी अर्पण गरेको थियो । पदभारग्रहण समारोहमा सुदूरपश्चिम प्रदेशका मुख्यमन्त्री त्रिलोचन भट्ट, मन्त्रीग्रण, उच्च पदस्थ कर्मचारी, सुरक्षा अधिकारी लगायतको सहभागिता रहेको थियो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया