माघ २३, २०७९ सोमबार February 6, 2023

भक्तपुर २ ‘ख’ मा कांग्रेसका कृष्ण भँडेलले गरे उम्मेदवारी दर्ता

शेयर गर्नुहोस:
फन्ट परिवर्तन गर्नुहोस:

भक्तपुर । प्रदेशसभा सदस्यका लागि भक्तपुर २ ‘ख’मा हुने उपचुनावमा नेपाली कांग्रेसका कृष्णप्रसाद भँडेलले उम्मेदवारी दिएका छन् । उम्मेदवारी दर्तापछि आयोजित सभामा कांग्रेसका नेताहरुले यो चुनाव जनमत संग्रह पनि भएको बताएका छन ।

कांग्रेस प्रवक्ता विश्वप्रकाश शर्माले एउटा सिटले सरकार नढल्ने र नबन्ने तर सन्देश दिन सक्ने बताएका छन । उनले अघि भने, ‘दुईअढाइ वर्षमा सरकारले ठीक गरेको छ भने उहाँहरुलाई भोट दिनुस् । बेठीक गरेको छ भने कांग्रेसलाई भोट दिनुस् ।’

उपचुनावमा नेकपालाई जिताइयो भने सरकार अझै विग्रिएर जाने उनको दाबी छ ।

अघिल्लो चुनावमा नेकपालाई भोट दिनेहरुको अपेक्षा यस्तो अराजकता भ्रष्टाचार हुन्छ भन्ने नभएको भन्दै उनले अघि भने, बालुवाटारमा ककसको नाममा जग्गा निस्किएको छ, खोज्ने यो बेलामा हो । सुन काण्डका ठूला माछा खोल्ने बेला यही हो ।’

कांग्रेस भक्तपुरका सभापति दुर्लभ थापाले भक्तपुरमा आफ्नो पार्टीको जित सुनिश्चित भएको बताएका छन । यो चुनाव जनमत संग्रह पनि भएको भन्दै उनले लोकतन्त्रवादी कि अधिनायकवादीको पक्षमा उभिने जनताले निर्णय गर्नुपर्ने बताएका छन ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया