काठमाण्डौं: गायिका तथा राष्ट्रियसभाकी एमाले सांसद कोमल वलीले आफ्नै पार्टीका नेता रघुजी पन्तविरुद्ध मुद्दा दायर गरेकी छिन् ।
कानून व्यवसायीसँग परामर्शपछि वलीले पन्तविरुद्ध काठमाडौँ जिल्ला अदालतमा गालीबेइज्जती मुद्दा दर्ता गरेकी हुन्। उनले मुलुकी अपराध संहिता २०७४, २०७४ को दफा ३०५, ३०६, ३०७ को आधारमा आफूलाई अन्याय परेको भन्दै मुद्दा दायर गरेकी हुन् ।
पन्तले फागुन १५ गते काठमाडौँमा भएको कार्यकर्ता भेलामा सम्बोधन गर्ने क्रममा ‘कपाल फुलेका बुढीहरुले केही पाएनन्। २०औँ वर्ष संघर्ष गरेका, विवाह नै नगरी पार्टीमा योगदान दिएका महिलाहरुले कहिल्यै टिकट नपाएको तर गोडा पिँडुला देखाउँदै पोइल जान पाम भने पछि कोमल ओलीलाई केपी ओलीले सांसद बनाए’ भनी पन्तले विवादास्पद अभिव्यक्ति दिएका थिए।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया