भाद्र २८, २०८३ आइतबार
September 13, 2026
न्युज डेस्क
२०७६ कार्तिक २५, सोमबार
काठमाडौं । पार्टी एकता भएको झण्डै १७ महिनापछि सत्तारुढ नेपाल कम्युनिष्ट पार्टी नेकपाले आफ्ना केन्द्रीय निकायहरुको नेतृत्व चयन गरेको छ । सोमबारको पार्टीको सचिवालय बैठकले केन्द्रीय अनुशासन आयोगको अध्यक्षमा अमृत बोहोरा, सचिवमा अशोक रोकाय, केन्द्रीय सल्लाहकार कमिटिको अध्यक्षमा केशव वराल, सचिवमा नन्दकुमार थापालाई चयन गरेको छ ।
बालुवाटारमा बिहान बसेको बैठकले निर्वाचन आयोगको अध्यक्षमा विष्णुपुकार श्रेष्ठ, सचिवमा माधव पौडेल र लेखा परीक्षण आयोगको अध्यक्षमा पुष्प कँडेल, सचिवमा टेक नाथ आचार्यलाई चयन गरेको छ।
यस्तै जेष्ठ कम्युनिष्ट मञ्चको अध्यक्षमा नन्दकुमार प्रसाईँ र सचिवमा गोविन्द पौडेललाई चयन गरिएको प्रवक्ता नारायणकाजी श्रेष्ठले जानकारी दिएका छन्।
पोलिटव्युरो गठन लगायत पार्टी एकताको बाँकी काम बारे भने आजको बैठकमा छलफल भएन ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया