मंसिर २५, २०८० सोमबार
December 11, 2023
न्युज डेस्क
२०७६ कार्तिक २६, मंगलबार
काठमाडौं । देशभर दिनप्रतिदिन चिसो बढ्दै गएको मौसमविद्ले बताएका छन्।
यसै क्रममा आज (मंगलबार) काठमाडौं उपत्यकाको तापक्रम यस वर्षकै कम देखिएको छ।
मौसम पूर्वानुमान महाशाखाका अनुसार आज बिहान काठमाडौं उपत्यकाको तापक्रम १०.८ डिग्री सेल्सियस मापन गरिएको हो। यो यस वर्षकै कम तापक्रम भएको मौसमविद्ले बताएका छन्।
हिजो (सोमबार) काठमाडौं उपत्यकाको तापक्रम ११ डिग्री सेल्सियस थियो।
आजको मौसम
अहिले (मंगलबार बिहानं) देशका पहाडी भूभागमा आंशिक बदली र बाँकी भूभागमा मौसम सामान्यतया सफा छ।
आज देशका पूर्वी क्षेत्रमा सामान्य, पहाडी भेगमा आंशिक बदली र अन्य स्थानमा मौसम सामान्यतया सफा रहने अनुमान गरिएको मौसमवविद् समीर श्रेष्ठले बताए। उनका अनुसार आज कतै पानी पर्ने तथा हिमपात हुने सम्भावना भने छैन।
भारतमा फैलिएको उच्च चापीय प्रणाली र सिक्किमा विकसित निम्न चापीय प्रणालीको प्रभावले पूर्वी नेपालमा मौमस बदली भएको मौसमविद् श्रेष्ठले बताए।
भोलिदेखि पश्चिमी वायु
मौसम पूर्वानुमान महाशाखाका अनुसार एउटा कमजोर निम्न चापीय प्रणाली पश्चिम नेपालतर्फ बढिरहेको छ र भोलि धबारसम्ममा नेपालमा यसको प्रभाव देखिनेछ।
पश्चिमी वायुको प्रवेशपछि मौसम बदली भई विशेषगरी उच्च पहाडी र हिमाली भेगमा हिमपातको सम्भावना हुने मौसमविद्ले बताएका छन्।
तर यो कमजोर खालको भएकाले त्यति धेरै ठूलो प्रभाव नपर्ने मौसमविद्को अनुमान छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया