असोज २५, २०८१ शुक्रबार
October 11, 2024
न्युज डेस्क
२०७६ कार्तिक २७, बुधबार
काठमाडौं । निदान अस्पतालमा सीईयोसहित पाँच जनालाई जेल चलान गरिएको छ।
मिर्गौला किनबेचमा संलग्न भएको अभियोग लागेका निदान अस्पतालका सीईओ विपेन्द्र प्रधान, डाक्टर राजेश पन्तसहित पाँच जनालाई मंगलबार जिल्ला अदालत ललितपुरले पुर्पक्षका लागि थुनामा पठाएको हो।
त्यस्तै कानूनी सल्लाहकार कुमुद भट्टराई, ललितपुर जिल्ला प्रशासन कार्यालयका तत्कालीन अधिकृत रामचन्द्र आले र मिर्गौला लिने शंकरलाल लामालाई पनि पुर्पक्षका लागि जेल चलान गर्न अदालतले आदेश गरेको हो।
प्रहरीको मानव बेचबिखन नियन्त्रण ब्युरोले रामेछाप दोरम्बा–३ घर भई स्वयम्भू बस्ने शंकरलाल लामाले नक्कली भान्जा खडा गरी मृगौला किनेर प्रत्यारोपण गरेको घटनामा संलग्न भन्दै उनीहरूलाई पक्राउ गरेको थियो। मिर्गौला लेनदेनमा आर्थिक चलखेल गरेको र नक्कली व्यक्ति खडा गरी मृगौला प्रत्यारोपण गरेको प्रमाणित भएपछि उनीहरुलाई थुनामा पठाइएको हो।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया