असार २३, २०८२ सोमबार
July 7, 2025
युग खबर
२०७७ चैत्र २८, शनिबार
काठमाण्डौंः विराटनगरमा जारी रात्रिकालीन विराट गोल्ड कप फुटबल प्रतियोगितामा आयोजक विराटनगर महानगरपालिका–११ सेमिफाइनलमा प्रवेश गरेको छ ।
शनिवार भएको तेश्रो दिनको खेलमा भारतको सिलिगुरी युनाइटेड क्लबलाई ३–० ले पराजित गर्दै विराटनगर महानगरपालिका–११ सेमिफाइनलमा पुगेको हो ।
विराटनगर महानगरपालिका–११ का सुनिल खड्काले पहिलो हाफको ३२ मिनेटमा एक गोल गरेर अग्रता दिलाएका थिए । त्यस्तै, ८४ औं मिनेटमा विराटनगरकै प्रकाश बुढाथोकीले थप एक गोल गरी विराटनगरको जित सुनिश्चित गरेका थिए ।
पुनः ८४औं मिनेटमा नै सुनिल खड्काले दोश्रो गोल गरी विराटनगर महानगरपालिका ११ लाई ३–० को अग्रता दिएका थिए ।
विराटनगर महानगरपालिका–११ का सुनिल खड्का म्यान अफ द म्याच घोषित हुदै १० हजार नगद हात पारेका छन् । आइतबारको खेल मच्छिन्द्र क्लब काठमाडौं र भारतको पञ्जाब पुलिस क्लबबीच हुनेछ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया