धादिङमा जन्ती बस दुर्घटना, एक जनाको मृत्यु, ४० घाइते

काठमाडौं । पृथ्वीराजमार्गमा पर्ने धादिङको गल्छी गाउँपालिका– ६ बैरेनीबजारमा आज (आइतबार) बिहान जन्ती बोकेको बस दुर्घटना हुँदा एक जनाको मृत्यु भएको छ। दुर्घटनामा ४० घाइते भएका प्रहरीले जनाएको छ।

नुवाकोटको बाँसगडीबाट जन्ती बोकेर बाराको अमलेखगञ्जतर्फ जाँदै गरेको बा २ ख ६२६८ नम्बरको बस सडकको खाल्डो छल्ने क्रममा दुर्घटना भएको प्रहरीले जनाएको छ।

दुर्घटनामा बेलकोटगढी नगरपालिका– ५ की १४ वर्षीया डोल्मा तामाङको घटनास्थलमै मृत्यु भएको जिल्ला प्रहरी कार्यालयका प्रहरी प्रमुख प्रहरी उपरीक्षक राजकुमार वैदवारले जानकार दिएका छन।

दुर्घटनामा घाइते भएका ४० जनामध्ये १७ जनाको अवस्था गम्भीर भएकाले थप उपचारका लागि काठमाडौँको ट्रमा सेन्टरमा ल्याइएको छ।

घाइते २३ जनाको बैरेनी र गल्छीमा रहेको स्वास्थ्य केन्द्रहरुमा उपचार भइरहेको छ।