काठमाडौंः प्रधानसेनापति प्रभुराम शर्मा र नेपालका लागि अमेरिकी राजदूत र्यान्डी बेरीबीच भेटवार्ता भएको छ । प्रधानसेनापति शर्मालाई भेट्न राजदूत बेरी बिहीबार नेपाली सेनाको हेडक्वाटर जंगी अड्डामा पुगेका थिए ।
सेनाको जनसम्पर्क तथा सूचना निर्देशनालयले प्रधानसेनापति शर्मा र राजदूत बेरीबीचको भेटलाई शिष्टाचार भेटवार्ता रहेको जनाएको छ ।
दुवैबीच आपसी हित र पारस्परिक सम्बन्धका विषयमा चर्चा भएको निर्देशनालयले जनाएको छ । नेपाली सेनाले भन्यो ‘भेटवार्तामा दुई पक्षीय आपसी हित तथा पारस्परिक सम्बन्धका विषयमा छलफल भएको थियो ।
यस किसिमको नियमित भेटवार्ताले दुई देश बीचको आपसी सम्बन्धलाई सुमधुर एवं प्रगाढ बनाउन थप मद्दत पुग्ने विश्वास नेपाली सेनाले लिएको छ ।’
प्रधानसेनापतिसँग भारत, चीन, पाकिस्तानलगायतका प्रतिनिधिले केही दिनभित्र भेटवार्ता गरिसकेका छन् । ती सबै भेटवार्ता शिष्टाचार स्वरुप रहेका सेनाले जनाएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया