उखु किसानको आन्दोलनप्रति राष्ट्रिय जनमोर्चाको ऐक्यवद्धता (विज्ञप्ती सहित)

काठमाण्डौंः राष्ट्रिय जनमोर्चाले उखु किसानहरुले गरिरहेको राजधानी केन्द्रित आन्दोलनप्रति ऐक्यवद्धता जनाएको छ ।

राष्ट्रिय जनमोर्चाकी  उपाध्यक्ष एवं प्रवक्ता, सांसद दुर्गा पौडेलले मंगलबार एक  विज्ञप्ति जारी गरी आन्दोलनको समर्थन गरेकी हुन् । जारी विज्ञप्तिमा उखु किसानहरुमाथि वर्षौंसम्म अन्याय भइरहँदा समेत सरकारले न्याय दिन नसकेको आरोप लगाइएकी छिन्  ।

उखु मिलहरुले किसानलाई भुक्तानी नदिँदा उनीहरुमाथि परेको आघात तथा कृषि क्षेत्रमाथि परेको क्षतिको क्षतिपुर्ती सरकारले नै दिनुपर्ने उनको विज्ञप्तीमा उल्लेख गरिएको छ ।

प्रवक्ता पौडेलद्वारा जारी वक्तव्य

राष्ट्रिय जनमोर्चा, केन्द्रीय कार्यालय
वक्तव्य
उखु मिल मालिकहरुले उखु किसानको एक अरब भन्दा बढी रकम वर्षाै“सम्म नतिरेको कार्यप्रति राष्ट्रिय जनमोर्चाको गम्भीर ध्यान आकर्षित भएको छ । त्यो भन्दा गम्भीर दुःख र क्षोभको विषय यो हो कि वर्षौ“देखि किसानहरुमाथि त्यसप्रकारको अन्याय हु“दा पनि सरकारले उनीहरुको न्यायपूर्ण हक दिलाउन सकेको छैन । त्यसको लागि हामीले सरकारको तीब्र आलोचना गर्दछौं ।
हाम्रो जोड यो कुरामा छ कि सम्बन्धित मिल मालिकहरुबाट किसानहरुको बा“की रकम असूल गर्न आवश्यक प्रक्रिया चलाउदै किसानहरुले आफ्नो उखु वापत मिल मालिकबाट लिनुपर्ने बा“की रकम सरकारले आफ्नो तर्फबाट भुक्तानी गर्नुपर्दछ । उखुको त्यति ठूलो रकम बा“की रह“दा कृषिमाथि गम्भीर आघात पुग्ने कुरा प्रष्ट छ । त्यो राष्ट्रिय सम्पत्तिको नै ठूलो क्षति हो । त्यसैले किसानहरुलाई उनीहरुको क्षतिपूर्ति गर्ने जिम्मा सरकारले लिनुपर्दछ ।
अन्तमा आफ्नो न्यायपूर्ण हकको लागि उखु किसानहरुले जुन आन्दोलन गरिरहेका छन्, त्यसलाई समर्थन गर्दै राष्ट्रिय जनमोर्चाले उनीहरुको आन्दोलनसित ऐक्यवद्धता प्रकट गर्दछ ।