सुदूरपश्चिम प्रदेशसभा : चालु बर्खे अधिवेशन अन्त्य, ६७ वटा विधेयक पारित

प्रदेश प्रमुख देवराज जोशीले प्रदेश सरकारको सिफारिस बमोजिम चालु बर्खे अधिवेशन (शुक्रबार) राति १२ बजेदेखि लागू हुनेगरी अन्त्यको आह्वान गरेका हुन् ।

प्रदेशसभाको  शुक्रबारको बैठकमा सभामुख अर्जुनबहादुर थापाले प्रदेश प्रमुखको अधिवेशन अन्त्यसम्बन्धी पत्रबमोजिम राति १२ बजेदेखि लागू हुने गरी अधिवेशन अन्त्यको घोषणा गरे । प्रदेशसभाको पाँच वर्षे कार्यकाल आगामी मंसिरमा समाप्त हुँदैछ ।

गत जेठ १६ गते प्रदेशसभाको दसौं अधिवेशन सुरु भएको थियो । बर्खे अधिवेशनमा २७ वटा बैठक बसेको प्रदेशसभा सचिवालयले जानकारी दिएको छ ।

प्रदेशसभा सचिव देवबहादुर बोगटीका अनुसार ५ वर्षे कार्यकालमा प्रदेशसभाले संशोधन विधेयकसहित ६७ वटा विधेयक पारित गरेको छ ।