चैत्र १६, २०८० शुक्रबार March 29, 2024

अझै लागेन एकताको टुंगो

शेयर गर्नुहोस:
फन्ट परिवर्तन गर्नुहोस:

काठमाडौं । भदौं ५ गतेभित्र सबै एकताको प्रक्रिया टुंग्याउने बताएको भएपनि नेकपा माओवादीले एकता प्रक्रिया टुंगोमा पु¥याउन सकेको छैन । ५ गतेभित्र एकता नहुने भएपछि पार्टीको केन्द्रीय सचिवालयले प्रदेश र जिल्ला तहको एकीकरणकालागि गठित कार्यदलहरूलाई पर्सी भदौ ७ गतेभित्र अनिवार्यरूपमा प्रतिवेदन बुझाउन निर्देशन दिएको छ ।

प्रधानमन्त्री निवास बालुवाटारमा सोमबार बसेको सचिवालय बैठकले सबै प्रदेश तथा जिल्लामा गठित कार्यदललाईअन्तिम समयका रूपमा भदौ ७ गतेको सीमा तोकेको हो । यसअघि गत साउन २५ गतेसम्मको उक्त समयसीमा साउन मसान्तसम्म सारिएकामा ७ गतेका लागि अन्तिम समय तोकिएको छ ।

नेकपामा प्रदेश नं १ र २ का एकीकरणसम्बन्धी कार्यदलका प्रतिवेदन र कतिपय जनसंगठनका एकताको प्रतिवेदन आउन बाँकी रहेको जनाइएको छ । प्रतिवेदन ढिला भएका कारण यही भदौ ८ र ९ गतेका लागि बोलाइएको स्थायी समितिको बैठक भदौ १९ र २० गतेका लागि निर्धारण गरिएको छ ।

तत्कालीन नेकपा (एमाले) र नेकपा (माओवादी केन्द्र) बीच गत जेठ ३ गते एकता भई नेकपा घोषणा भएको थियो । पार्टी एकता भएपनि जिल्लातह देखि नै एकताको घोषणा हुन बाँकी रहेको छ ।

पार्टीमा कसले कुन ठाउँमा नेतृत्व लिने भन्ने विषयमा पनि विवाद कायम रहेको छ । एमाले र माओवादबिीच विगतमा भएको सहमति अनुसार ६० र ४० को आधारमा एकता सँगे सबै क्षेत्रमा भागबण्डा गरिएको स्रोतले जनाएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया