माघ २३, २०७९ सोमबार February 6, 2023

आज कांग्रेसले महासमितिको घोषणा गर्ने

शेयर गर्नुहोस:
फन्ट परिवर्तन गर्नुहोस:

काठमाडौं । प्रमुख प्रतिपक्षी दल नेपाली कांग्रेसको आज बस्ने केन्द्रीय समितिको बैठकले महासमितको निर्णय गर्ने तयारी गरेको छ ।

पार्टी सभापति शेरबहादुर देउवाको निवासमा जारी पदाधिकारी बैठकले महासमिति बैठकको मिति बारे प्रस्ताव तयार गर्ने नेताहरुले बताएका छन् । पदाधिकारी बैठक सकिए लगत्तै दिउसो पार्टी कार्यालयमा केन्द्रीय समितिको बैठक बस्ने मुख्य सचिव कृष्ण पौडेलले जानकारी दिनुभयो ।

उहाले मिति कहिले तोक्ने भन्ने विषयमा पधादिकारी बैठकले निर्णय गर्ने जानकारी दिनुभयो । कांग्रेस सभापति देउवाले हिजो पार्टीको विधान मस्यौदा समिति गठन गर्नुभएको थियो । महामन्त्री पुर्ण बहादुर खड्काको संयोजकत्वमा समिति गठन गरिएको छ ।

कांग्रेस स्रोतका अनुसार महासमिति बैठक भने दशै तिहारपछि मात्रै बोलाउने तयारी भएको छ । पार्टीका वरिष्ठ नेता रामचन्द्र पौडेल पक्षका नेताहरुले सभापति देउवाले विधान मस्यौदा समिति समेत गठन नगरेको आलोचनापछि देउवाले सो समिति गठन गर्नुभएको छ भने महासमितिका लागि पनि तयारी थाल्नु भएको छ ।

पार्टी निर्वाचनमा पराजित भएपछि कांग्रेसमा महासमिति बैठक बोलाउनुपर्ने माग उठेपनि सभापतिले त्यसलाई पर सार्दे लानु भएको छ । केन्द्रीय समितिले महासमिति बोलाउने निर्णय यसअघि नै गरिसकेको थियो ।

पार्टीको हेटौंडामा सम्पन्न जिल्ला सभापतिहरुको भेलालो पनि महासमिति बोलाउन माग गरेको थियो । पार्टी प्रवक्ता विश्वप्रकाश शर्माका अनुसार महासमिति बैठक तयारी, विधान र विभाग सन्दर्भ, मुलुकी ऐनको स्वामित्व र विमतिको पाटो लगायत कर आतंकका विषयमा छलफल केन्द्रीत हुनेछ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया