काठमाडौं : रवि लामिछानेले नेपाली नागरिकताको प्रमाणपत्र लिएका छन् । उनी आइतबार जिल्ला प्रशासन कार्यालय काठमाडौं गएर पुनः नागरिकताको प्रमाणपत्र लिएका हुन् ।
सर्वोच्च अदालतको आदेश अनुसार लामिछानेले पुनः नेपाली नागरिकता लिएको लामिछानेका सचिवालय प्रमुख दीपक बोहराले बताए । याेसँगै लामिछाने पुनः नेपाली नागिरक कायम भएका छन् ।
अमेरिकी नागरिकता त्यागेपछि नेपाली नागरिकताको पुनः प्राप्तिका लागि कानुन बमोजिम प्रक्रिया पूरा नगरेको ठहर गर्दै सर्वोच्च अदालतले गत शुक्रबार रवि लामिछानेको सांसद पद खारेज गरेको थियो । यससँगै उनले उपप्रधानमन्त्री तथा गृहमन्त्री र राष्ट्रिय स्वतन्त्र पार्टी (रास्वपा)को सभापति पद पनि गुमाएका थिए ।
आजै उनलाई रास्वपाले पार्टी सभापतिमा चयन गर्दैछ । यसनिम्ति पार्टीको केन्द्रीय समितिको बैठक बस्दैछ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया