श्रावण ५, २०८२ सोमबार
July 21, 2025
युग खबर
२०७९ माघ १९, बिहिबार
काठमाण्डौंः बार्सिलोनाले स्पेनिस ला लिगा फुटबलमा रियल बेटिसविरुद्ध जित निकालेको छ। बुधबार राति भएको खेलमा बार्सिलोनाले रियल बेटिसलाई २-१ गोल अन्तरले पराजित गरेको हो।
बार्सिलोनाको जितमा राफिन्हा र रोबर्ट लेवान्डोस्कीले एक एक गोल गरे। बार्सिलोनाका जुलेस कोउन्डोले एक आत्मघाती गोल गरे।
खेलको ६५ औं मिनेटमा राफिन्हाले गोल गर्दै बार्सिलोनालाई सुरुवती अग्रता दिलाए भने ८० औं मिनेटमा लेवान्डोस्कीले गोल अग्रतालाई दोब्बर बनाए।
त्यस्तै खेलको इन्जुरी समयमा विलियम कार्भाल्होले रातो कार्ड पाएपछि बेटिस १० खेलाडीमा समेटिएको थियो।
यस जितसँगै बार्सिलोनाले लिगमा ८ अंकको अग्रता कायम गरेको छ। बार्सिलोना १९ खेलमा ५० अंक जोड्दै अंक तालिकाको शीर्षस्थानमा रहेको छ। बेटिस ३१ अंक जोडेर छैटौं स्थानमा रहेको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया