जेठ २ गतेसम्म आन्तरिक तथा बाह्य उडान स्थगित

काठमाडौँ । कारोना भाइरसको संक्रमण रोक्नका लागि आन्तरिक तथा बाह्य उडान जेठ २ गतेसम्म स्थगित गरिएको छ।

यसअघि सरकारले वैशाख १८ गतेसम्म गरेको उडान स्गथगितलाई शनिबार बसेको उच्चस्तरीय समन्वयन समितिलेले मे १५ अर्थात् जेठ २ गतेसम्म कायम राख्ने निर्णय गरेको हो।

शनिबारको बैठकमा कोभिड १९ को रोकथामका विषयमा विस्तृत रुपमा छलफल भएको प्रधानमन्त्री तथा मन्त्रिपरिषद कार्यालयका सचिव नारायण प्रसाद बिडारीले जानकारी दिएका छन। तर उनले लक डाउन लम्ब्याउने वा नलम्ब्याउने भन्ने निर्णय मन्त्रिपरिषद् बैठकले छिट्टै गर्ने जानकारी दिएका छन।

स्रोतका अनुसार समितिले थप एक हप्ता लक डाउन लम्ब्याउन सिफारिस गरेको छ। बैठकले कोरोना भाइरसको रोकथामका लागि भएका प्रयास प्रभावकारी भएको निष्कर्ष निकाल्दै सबै प्रदेशमा आवश्यक मात्रमा औषधि तथा अन्य उपकरण भएको जानकारी दियो।

हालसम्म ४९ जनामा कोरोना संक्रमित भेटिएका छन्। जसमध्ये दश जना निको भएर घर फर्किएका छन्।