साउदी प्रो लिग – अल नसरको जितमा रोनाल्डोको ४ गोल

काठमाडौंः साउदी प्रो लिग फुटबलमा क्रिस्टियानो रोनाल्डो आबद्द अल नसरले सहज जित निकालेको छ। बिहीबार राति भएको खेलमा नसरले अल वेह्दालाई ४-० गोल अन्तरले हराएको हो। अल नसरको जितमा रोनाल्डो एक्लैले ४ गोल गरे।

रोनाल्डोले खेलको २१ औं मिनेटमा नै गोल गर्दै टोलीलाई अग्रता दिलाएका थिए। यस्तै, ४० औं मिनेटमा रोनाल्डोले व्यक्तिगत दोस्रो गोल गरे। खेलको ५३ औं मिनेटमा रोनाल्डोले पेनाल्टीबाट गोल गर्दै ह्याट्रिक पूरा गरे।

त्यसपछि खेलको ६१ औं मिनेटमा रोनाल्डोले व्यक्तिगत चोथो गोल गरे। योसँगै रोनाल्डोले आफ्नो करिअरको ५०० औं लिग गोल पनि पूरा गरेका छन्। जितसँगै नसर लिगको शीर्ष स्थानमा उक्लिएको छ । नसरले १६ खेलमा ३७ अंक जोडेको छ।