मोनाकोसँग पिएसजी ३–१ ले पराजित

काठमाण्डौः फ्रेन्च लिग वान फुटबलमा पेरिस सेन्ट जर्मेन (पिएसजी) मोनाकोसँग स्तब्ध भएको छ ।

गएराति सम्पन्न खेलमा शीर्ष स्थानको पिएसजी मोनाको ३–१ ले स्तब्ध भएको हो । खेलको चौथो मिनेटमा एलेक्सान्ड्रा गोलोभिनले गोल गर्दै मोनाकोलाई अग्रता दिलाएका थिए । १८ औं मिनेटमा विसम बेन एड्डरको गोलबाट मोनाकोले अग्रता दोब्बर बनायो ।

३९ औं मिनेटमा वारेन इम्रीले गोल गर्दै पिएसजीलाई २–१ को स्थितिमा ल्याए । त्यसपछि पहिलो हाफको इन्जुरी समयमा विसमले व्यक्तिगत दोस्रो गोल गर्दै मोनाकोलाई ३–१ ले अगाडि बढाए । त्यसपछि पनि पिएसजीले गोल गर्न नसकेपछि खेल मोनाकोले जित्यो ।