श्रावण ६, २०८२ मंगलबार
July 22, 2025
युग खबर
२०७९ फागुण २, मंगलबार
काठमाण्डौः एभर्टनलाई २–० अन्तरले पराजित गर लिभरपुलले इंग्लिस प्रिमियर लिगमा जित दर्ता गरेको छ ।
एनफिल्डमा सोमबार राति भएको खेलमा मोहम्मद सलाह र कोडी गाक्पोको गोलमा लिभरपुलले इंग्लिस प्रिमियर लिगमा जित दर्ता गरेका हुन ।
लिभरपुलले सुरुवातदेखि नै दवाव सिर्जना गरेपनि गोलको लागि ३६औं मिनेट इजिप्टिन स्टार सलाहले गोल गर्दै लिभरपुलाई १–० को अग्रता दिलाए । उनले डार्विन नुनेजको पासमा गोल गर्न सफल भएका थिए । ४९औं मिनेटमा ट्रेन्ट एलेक्सान्डर आर्नोल्डको क्रसलाई गाक्पोले सदुपयोग गर्दैै अर्को गोल थपेर क्लबलाई २–० को अग्रता दिलाए ।
लिभरपुलमा गाक्पोको यो पहिलो गोल हो, लिभरपुलका लागि सातौं खेलमा उनले पहिलो गोल गरेका हुन् । कतार विश्वकप २०२२ मा उच्च प्रदर्शन गरेपछि गाक्पो यसै मौसममा डच क्लब पिएसभी इन्डोभेनबाट लिभरपुल आएका थिए ।
यस जितसँगै लिभरपुल २१ खेलबाट ३२ अंक जोडेर नवौं स्थानमा उक्लिएको छ । पराजित एभर्टन २२ खेलबाट १८ अंक जोडेर रेलिगेसन जोनको १८औं स्थानमा छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया