मंग्सिर ५, २०८३ शनिबार November 21, 2026

अमेरिकामा लकडाउनविरुद्ध गोलीगठ्ठासहित प्रदर्शन

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । अमेरिका कोरोना भाइरसको महामारीका कारण सबैभन्दा बढी प्रभावित भएको छ । अझै पनि संक्रमण र मृत्यु हुनेको संख्या दैनिक रुपमा केही हजारको संख्यामा थपिइरहेका छन् ।

तर पनि अमेरिकाका विभिन्न क्षेत्रमा कोरोना भाइरसको संक्रमण फैलिन नदिनका लागि लागु गरिएको लकडाउन खुलाउन माग गर्दै प्रदर्शनहरु भइरहेका छन् ।

यस्तो प्रदर्शनले बिहीबार उग्ररुप लिएको छ । मिसिगन राज्यमा लकडाउनको विपक्षमा रहेको प्रदर्शनकारीहरु गोलीगठ्ठासहित प्रदर्शनमा उत्रिएका हुन् ।

बन्दुकसहित प्रदर्शनमा उत्रिएका उनीहरु मिसिगनको राजधानीमा रहेको राज्यको संसद प्रवेश गरेको अमेरिकी सञ्चारमाध्यमले जनाएका छन् । सयौँ प्रदर्शनकारी मध्ये केहीले बन्दुक बोकेका थिए । लानसिंगमा जम्मा भएका उनीहरु मध्ये धेरैले मास्क लगाएका थिएनन् ।

प्रदर्शनकारीले भवनमा प्रवेश गर्न पाउनु पर्ने भन्दै हुलहुज्जत गरेपछि प्रहरीले केहीको ज्वरो नापेर प्रवेश अनुमति दिएका थिए । प्रदर्शनकारी होहल्ला गर्दै भवनमा प्रवेश गर्दा राज्यका सांसदहरु छलफलमा थिए ।

मिसिगनकी गभर्नर ग्रेट्चन व्हिटमरले मे १५ सम्मका लागि राज्यमा लकडाउन लागु गरेकी छन् । उनी डेमोक्र्याट हुन् ।

कोरोना भाइरसका कारण सबैभन्दा बढी प्रभावित अमेरिकी राज्य मध्यमा पर्छ मिसिगन । त्यहाँ अहिलेसम्म कोभिड १९ बाट ३७ सय ८८ जना भन्दा बढीको मृत्यु भइरहेको छ । राज्यमा ४१ हजार भन्दा बढीमा संक्रमण पुष्टि भएको छ । त्यसमध्ये अधिकांश डिट्रोइट महानगर क्षेत्रका छन् ।

मिसिगन युनाइटेड फर लिबर्टीको आयोजनामा बिहीबार अमेरिकन प्याट्रिओट र्ंयाली भएको हो । उनीहरुले राज्यको निर्देशन विपरित मे १ देखि व्यवसाय सञ्चालन गर्न अपिल गरेका छन् ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
मधेशमा सरकार गठनका लागि दलहरूबीच रस्साकस्सी, जसपाले माग्यो ठूलो दलको हैसियतमा नेतृत्व
२०८३ मंग्सिर ४, शुक्रबार
इरानको अमेरिकालाई चेतावनी: सर्त मान, नत्र युद्धको सामना गर
२०८३ मंग्सिर ४, शुक्रबार
एमाले हार्नका लागि जन्मिएको पार्टी होइन, फेरि जित्छौँ : अध्यक्ष ओली
२०८३ मंग्सिर ४, शुक्रबार
Minister Mehta emphasizes curbing indiscriminate use of Antimicrobial drugs
२०८३ मंग्सिर ४, शुक्रबार
युक्रेनलाई नेटोसरह सुरक्षा ग्यारेन्टी दिन रुस सहमत हुने कुशनरको विश्वास
२०८३ मंग्सिर ४, शुक्रबार
Political parties consulted on chances of simultaneous elections
२०८३ मंग्सिर ४, शुक्रबार
सुशासन र आर्थिक रुपान्तरणबाट मुलुकमा समृद्धि आउँछ: अर्थमन्त्री वाग्ले
२०८३ मंग्सिर ४, शुक्रबार