उपनिर्वाचनको पूर्ण परिणामलाई कसरी विश्लेषण गर्न सकिन्छ ?
मूलधारका पार्टी र शीर्ष नेतृत्वले पटकपटक अवसर पाएर पनि डेलिभरी दिन नसकेकोप्रति जनताको ठूलो वितृष्णा मतबाट प्रकट भएको छ । जसका कारण नयाँ र वैकल्पिक शक्तिले अघि आउने मौका पाएका छन् । यसले मूलधारका ठूला र पुराना पार्टीलाई स्पष्ट रूपमा सच्चिन सन्देश दिएको छ ।
यसलाई गठबन्धनको हारका रूपमा लिन सकिन्छ कि सकिन्न ?
४ मंसिरको निर्वाचनमा पनि गठबन्धनले अपेक्षाकृत जनसमर्थन पाउन सकेको थिएन । उपनिर्वाचनले त गठबन्धनलाई पूर्ण रूपमै अस्वीकार गरेको छ । गठबन्धन असफल भएको छ । अब गठबन्धन गरेर मात्रै निर्वाचन जितिन्छ भन्ने अवस्था रहेन । आफ्नै एजेन्डा र बलमा आफूहरूमाझ आउने दललाई जनताले विश्वास गरेका छन् । गठबन्धन गर्दा पनि २ स्थानमा राष्ट्रिय स्वतन्त्र पार्टीले जित निकालेको छ । बारामा पनि गठबन्धनको बलमा चुनाव लडेका उपेन्द्र यादवलाई जनमत पार्टी एक्लैले कडा टक्कर दिनुले यसलाई स्पष्ट पारेको छ ।
उपनिर्वाचनबाट सिट गुमाएको कांग्रेसलाई परिणामले के सन्देश दिएको छ ?
विशेषगरी मंसिरको निर्वाचनबाट पहिलो पार्टी बनेको कांग्रेसले उपनिर्वाचनसँगै त्यो विश्वास पनि गुमाएको छ । कांग्रेसलाई सुधार र रूपान्तरण हुन स्पष्ट सन्देश दिएको छ । सच्चिन नसके कांग्रेसको विकल्पमा अरू लोकतान्त्रिक पार्टीलाई जनताले समर्थन गर्नेछन् । यसले, अब कांग्रेसमा भिजनसहितको नेतृत्व आवश्यक छ भन्ने देखाएको छ । नयाँपत्रिकाबाट
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया