रौतहटमा आज थप ५६ जनामा कोरोना संक्रमण पुष्टि

रौतहट । रौतहटमा आज एकै दिन थप ५६ जनामा कोरोना भाईरसको संक्रमण भएको पुष्टि भएको छ । परिक्षणको लागि तीन दिन अघि लगिएको स्वाबको पिसिआर परिक्षणमा नया संक्रमितको संख्या थपिएको हो ।

थपिएकोमा राजपुर नगरपालिकामा–३३ जना, बौध्दिमाई नगरपालिकामा २ जना, मौलापुर नगरपालिकामा ६ जना र ईशनाथ नगरपालिकामा १५ जना रहेका छन ।

जिल्ला प्रशासन कार्यालय रौतहटका प्रमुख जिल्ला अधिकारी बासुदेब घिमिरेले दिएको जानकारी अनुसार आज थपिएका चार वटै नगरपालिकाको क्वारेन्टाईनमा बसेकाहरु हुन । यससगै रौतहटमा कोरोना भाईरसको संक्रमितको संख्या १ सय ८१ पुगेको छ ।

कोरोना भाईरसको संक्रमितहरु सबै भारत बाट आएका हुन । उनीहरु भारत बाट आउना साथ सम्बन्धित नगरपालिकाले निर्माण गरेको क्वारेन्टाईनमा राखिएको थियो । उनीहरुको स्वाबको पिसिआरको परिक्षणको लागि तीन दिन अघि निकालिएको हो । उनीहरुको स्वास्थ्य अबस्था सामान्य रहेको र स्वास्थ्यकर्मीहरुको निगरानीमा रहेको जनाइएको छ ।

रौतहटको १८ स्थानीय तह मध्ये कटहरिया, गरुडा, माधवनारायण, फतुवा बिजयपुर, बृन्दाबन, गुजरा नगरपालिका, गढिमाई, ईशनाथ, राजदेबी, गौर, देबाही गोनाही नगरपालिकाको क्वारेन्टाईनमा बसेकाहरुमा कोरोना भाईरसको संक्रमण देखिएको हो । रौतहटमा देखिएका कोरोना भाईरसको संक्रमितको उपचारको लागि जिल्लामानै बनाईएको आईसोलेसनमा राखिएको छ ।