गणतन्त्र दिवस परेडमा दिल्ली-पञ्जाबको झाँकी अस्विकार, आपले भन्यो, ‘केन्द्र सरकारले लियाे बदला’

नयाँ दिल्ली, १४ पुस । गणतन्त्र दिवसको परेडको झलकलाई लिएर आम आदमी पार्टी र भाजपाबीच फेरी बिबाद सुरू भएको छ।

दिल्ली सरकारका कला, संस्कृति र भाषा मन्त्री सौरभ भारद्वाजले शुक्रबार भने कि भाजपा नेतृत्वको केन्द्र सरकारले राष्ट्रिय राजधानी र सीमावर्ती राज्यमा शासन गरिरहेको आम आदमी पार्टीबाट बदला लिन गणतन्त्र दिवस मनाउने निर्णय गरेको छ।

गणतन्त्र परेडका लागि दिल्ली र पञ्जाबको झाँकी अस्वीकार गरिएको छ। भारद्वाजले यो पनि भने कि केन्द्रले तीन वर्षदेखि यस परेडमा दिल्लीको झलकहरू समावेश गरेको छैन।

अधिकारीहरूका अनुसार २०२१ मा गणतन्त्र दिवस परेडमा दिल्लीको झाँकीले अन्तिम पटक स्थान पाएको थियो । यसमा शाहजहानाबाद पुनर्विकास परियोजना देखाइएको थियो। भारद्वाजले यस वर्ष सहरका विद्यालय र मोहल्ला क्लिनिकका नमुना दिल्लीको झाँकीमा प्रदर्शन गर्ने तयारी रहेको थियो । तर,

मन्त्रीले भने, ‘केन्द्रले देशको राजधानी दिल्लीको झाँकीलाई फेरी पनि अस्वीकार गरेको छ । उनका अनुसार २०२२, २०२३ र अब फेरि २०२४ मा परेडको लागि अस्वीकार गरिएको छ ।’

उनले भने कि २०२३ मा गणतन्त्र दिवस परेडको लागि दिल्लीको झांकीको विषयवस्तु ‘महिला शक्ति’ थियो र २०२४ परेडको लागि झांकीको विषय ‘विकसित भारत’ थियो। उनले भने,  ‘यो डिजाइन प्रतियोगिता हो भनेर कसैले भन्न सक्दैन । केन्द्रले हामीलाई केही सुझावहरू दिएको थियो र हामीले तिनीहरूलाई समावेश गरेका थियौं । यदि केन्द्रले हामीलाई थप सुझावहरू दिएका हामी पनि समावेश गर्ने थियो। तर, हाम्रो झाँकीले विद्यालय र मोहल्ला क्लिनिक मोडेललाई प्रतिबिम्बित गर्नेछ।’ एजेन्सी