मंग्सिर ३, २०८३ बिहिबार November 19, 2026

उत्तर कोरियाद्दारा पूर्वी सैन्य बन्दरगाहबाट धेरै क्रुज मिसाइल प्रहार

नयाँ क्रुज मिसाइल पुलहवासल–३–३१ को पहिलो परीक्षण

शेयर गर्नुहोस:
फन्ट परिवर्तन गर्नुहोस: अ अ अ

सियोल, १५ माघ । उत्तर कोरियाले पूर्वी सैन्य बन्दरगाहबाट धेरै क्रुज मिसाइल प्रहार गरेको जनाएको छ।

दक्षिण कोरियाको सेनाका अनुसार उत्तर कोरियाले आइतवार धेरै क्रुज मिसाइलहरू प्रहार गरेको छ। उसका अनुसार उत्तर कोरियाबाट तनाव बढाउनको लागि पछिल्लो कदम हो।

एक आधिकारिक विज्ञप्तिमामार्फत दक्षिण कोरियाका संयुक्त चिफ अफ स्टाफले भने, ‘हाम्रो सेनाले आज बिहान ९ बजे उत्तर कोरियाको सिन्पानो क्षेत्र वरपर प्रहार गरिएका धेरै अज्ञात क्रुज मिसाइलहरू पत्ता लगाएका छन ।’  यद्यपी उनले कति क्षेप्यास्त्र प्रक्षेपण गरे भन्ने कुरा भने खुलाएनन् ।

संयुक्त राष्ट्र संघका प्रतिबन्ध अन्तर्गत प्योङयाङमा क्रूज मिसाइल परीक्षण गर्न कुनै प्रतिबन्ध छैन। क्रूज मिसाइलहरू जेट–प्रोपेल्ड हुन्छन् र कम उचाइमा उड्छन्, तिनीहरूलाई पत्ता लगाउन र अवरोध गर्न गाह्रो बनाउँछ।

यसअघि बिहीबार उत्तर कोरियाले एक दिनअघि नै विकसित भइरहेको नयाँ क्रुज मिसाइल पुलहवासल–३–३१ को पहिलो परीक्षण गरेको बताएको थियो ।

उल्लेखनीय यो छ कि परीक्षण यस्तो समयमा भएको हो, जब उत्तर कोरियाको अमेरिका र उसका सहयोगीहरुसँगको द्वन्द्व बढ्दै गएको छ ।

उत्तर कोरियाली नेता किम जोङ उनले आफ्ना हतियारको विकासलाई तीव्रता दिन जोड दिएका कारण हालैका महिनाहरूमा कोरियाली प्रायद्वीपमा तनाव बढेको छ। यसबाहेक उनले अमेरिका र उसका एशियाली सहयोगीहरूलाई परमाणु द्वन्द्वको धम्की पनि दिएका छन् । एजेन्सी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार
एनसेलको थ्रीजी युग अन्त्य हुँदै, पुस २ देखि फोरजीमा केन्द्रित सेवा
२०८३ मंग्सिर ३, बिहिबार
परराष्ट्रमन्त्री खनालसँग चिनियाँ राजदूत चाङको शिष्टाचार भेटवार्ता
२०८३ मंग्सिर ३, बिहिबार
निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी
२०८३ मंग्सिर ३, बिहिबार
New generation diplomacy should be based on national interest, strategic capability: Foreign Minister Khanal
२०८३ मंग्सिर ३, बिहिबार
राअविका प्रमुख अनुसन्धान अधिकृत चौधरीविरुद्ध विशेष अदालतमा भ्रष्टाचार मुद्दा दायर
२०८३ मंग्सिर ३, बिहिबार
एमाले राष्ट्रिय भेलाबाट २१ बुँदे विशेष प्रस्ताव र संकल्प पारित
२०८३ मंग्सिर ३, बिहिबार