असार २३, २०८२ सोमबार
July 7, 2025
न्युज डेस्क
२०७७ असार २, मंगलबार
दाङ । भारतबाट आएर क्वारेन्टिनमा बसेका एक जोडीको पीसीआर रिपोर्ट नेगेटिभ आएपछि क्वारेन्टिनबाटै विवाह भएको छ ।
दाङ घोराही उपमहानगरपालिका वडा नम्बर १८ स्थित क्वारेन्टिनमा बसेका जोडीको परिवारको सहमतिमा विवाह गरिएको वडा अध्यक्ष भरत अर्यालले जानकारी दिएका छन ।
‘भारतबाट आएर क्वारेन्टिनमा बस्नु भएको थियो । माया–प्रेम र चिनजान भारतमै भएको रहेछ’ उनले भने, ‘क्वारेन्टिनमा बसेको बेलामा घर परिवारको सल्लाहमा जोडीको विवाह भयो ।’
क्वारेन्टिन नजिक वर, पिपलको रुखमुनि वैवाहिक कार्यक्रम गरिएको र नव जोडी अहिले घरमा बसेका छन् । ‘एक हप्तासम्म अलग अलग बस्न भनिएको छ’ उनले भने, ‘क्वारेन्टिनमा बसेका मध्य चारजनाको रिपोर्ट पोजेटिभ आएपछि उहाँहरुलाई एम्बुलेन्स मार्फत आइसोलेशनमा लगियो भने, रिपोर्ट नेगेटिभ आएको जोडी विवाह गरेर घर जानु भयो ।’
विवाह बन्धमा बाँधिएका पुरुष २३ वर्षका र महिला २१ वर्षका हुन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया