चीनको अन्तरिक्ष कार्यक्रममा सैन्य गतिबिधि देखिन्छः नासा प्रमुख

वासिंगटन डिसी, ७ बैशाख । चीनले अन्तरिक्षमा गोप्य सैन्य गतिविधि गरिरहेको नासाका प्रमुख बिल नेल्सनले दाबी गरेका छन् ।

‘हामी विश्वास गर्छौं कि उनीहरूको तथाकथित नागरिक अन्तरिक्ष कार्यक्रम एक सैन्य कार्यक्रम हो,’ उनले  विनियोजन सम्बन्धी सदन समितिलाई जानकारी  दिदैँ भनेका छन, ‘चीनले विशेष गरी विगत १० वर्षमा असाधारण प्रगति गरेको छ तर ती धेरै गोप्य छन् ।’

नासाका प्रशासकले अमेरिकी अन्तरिक्ष एजेन्सीको २०२५ को लागि २०.३ बिलियन डलर बजेट अनुरोधमा हस्ताक्षर गर्न समितिको सुनुवाइको क्रममा प्रमाण दिने क्रममा सो कुरा बताएका हुन ।

उनलाई समितिका अध्यक्ष हल रोजर्सले आफ्नो अन्तरिक्ष कार्यक्रममा चीनको धेरै महत्वपूर्ण लगानी र नासाले चीनमाथि आफ्नो धारा कसरी कायम राख्ने भन्ने बारे सोधेका थिए। ‘हामी दौडमा छौं,’ नेल्सनले जवाफ दिए।

‘उनीहरूले चन्द्रमामो अवतरण गर्ने अन्तिम मिति २०३० हो तर त्यो माथि बढिरहेको छ,’ उनले अगाडी भने, ‘पहिले त्यहाँ पुग्नु र शान्तिपूर्ण उद्देश्यका लागि हाम्रा अनुसन्धान प्रयासहरू प्रयोग गर्नु हाम्रो दायित्व हो ।’

उनले समितिका सदस्यहरूलाई भने कि यदि चीनले पहिले चन्द्रमामा अवतरण गर्‍यो भने बाह्य अन्तरिक्षको भागलाई आफ्नो क्षेत्रको रूपमा दाबी गर्न सक्छ।