कार्तिक १५, २०८३ आइतबार
November 1, 2026
न्युज डेस्क
२०७७ असार १४, आइतबार
काठमाण्डाैंः विद्रोही संगठन नेकपा विप्लवका कैलाली जनसरकार प्रमुख सहित ६ जना नेता तथा कार्यकर्ता पक्राउ परेका छन् ।
जिल्ला प्रहरी कार्यालय कैलालीको टोलीले शनिबार राति जनसरकार प्रमखु दलबहादुर बिक र धनगढी इन्चार्ज प्रकाश रावलसहितका ६ जनालाई धनगढीबाट पक्राउ गरेको हो ।
उनीहरुलाई धनगढी उपमहानगरपालिका वडा नम्बर -१२ को जुगेडा क्षेत्रबाट पक्राउ गरिएको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक प्रतिक बिष्टले जानकारी दिए ।
प्रनाउ बिष्टका अनुसार पक्राउ पर्नेमा बिक र रावलसहित विप्लव निकट अखिल (क्रान्तिकारी)का केन्द्रीय सदस्य बबरजंग सिंह, जिल्ला अध्यक्ष सुवास जोशी, डम्बर सुनार, र लक्की शाह रहेका छन् ।
उनीहरुलाई शंकास्पद गतिविधिमा संलग्न भएको आशंकामा पक्राउ गरिएको प्रवक्ता बिष्टले बताए । पक्राउ परेका सबैजनाको अनुसन्धान जारी रहेको प्रहरीले जनाएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया