यातायातमा चार दिन जोर बिजोर प्रणाली

काठमाडौं । राजधानीमा मंसिर १४ देखि १७ गतेसम्म हुने एशिया प्याशिफिक समिटका लागि विभिन्न देशका सरकार प्रमुख तथा उपप्रमुख सहभागि हुने कार्यक्रम रहेको जनादउदै प्रहरीले काठमाडौँ उपत्यकामा चल्ने यातायातमा चार दिन जोर बिजोर प्रणाली लागू गरेको छ एशिया प्याशिफिक समिटका लागि विभिन्न देशका अतिविशिष्ट र विशिष्ट पाहुनाहरू आउने भएपछि ।

गृह मन्त्रालयको निर्देशनमा ट्राफिक प्रहरी महाशाखाले यही मंसिर १३ देखि १६ गतेसम्म जोर बिजोर प्रणाली लागू गरेको प्रहरी प्रवक्ता उत्तमराज सुवेदीले जानकारी दिनुभयो ।

महानगरीय ट्राफिक प्रहरी महाशाखाका अनुसार मंसिर १३ र १५ गते बिजोर र मङ्सिर १४ तथा १६ गते जोर अङ्कका सवारीसाधन सञ्चालन गर्न पाइनेछ ।

अत्यावश्यक सेवा र शैक्षिक संस्थाका सवारी साधनमा भने जोर बिजोर प्रणाली लागू नहुने महानगरीय ट्राफिक प्रहरी महाशाखाले मंगलबार एक सूचना जारी गरी जानकारी दिएको छ ।