दुई दिने एकीकृत जनस्वास्थ्य शिविरमा ५ सयले स्वास्थ्यलाभ लिए

काठमाडौँ । कर्णाली स्वास्थ्य प्रतिष्ठान जुम्लाले हुम्लाको उत्तरी नाम्खा गाउँपालिकामा दुई दिने एकीकृत जनस्वास्थ्य शिविर सञ्चालन गरेको छ। एकीकृत जनस्वास्थ्य शिविरबाट ५ सयले जनाले स्वास्थ्य जाँच गरेका छन्।

विभिन्न रोगका विशेषज्ञबाट ५ सय जनालाई स्वास्थ्य उपचार गरेको स्वास्थ्य शाखाका प्रमुख ग्याछो लामाले बताए। गाउँपालिकाको ५ वटा वडाका वृद्धवृद्धा, नागरिक, बालबालिका, महिलाहरूको स्वास्थ्य जाँच गरेको उनले बताए।

कर्णाली स्वास्थ्य विज्ञान प्रतिष्ठानका उपकुलपति डाक्टर मंगल रावल सहितका १६ जना विशेषज्ञ चिकित्सकबाट शिविर सञ्चालन गरेको स्वास्थ्य शाखा प्रमुख लामाले बताए।

आँखा रोग विशेषज्ञ, मोतिबिन्दुको निःशुल्क शल्यक्रिया, हाडजोर्नी तथा नशा रोग विशेषज्ञ सेवा, दाँत तथा मुख विशेषज्ञ सेवा, बालरोग विशेषज्ञ सेवा, स्त्री रोग, प्रस्तुति सेवा, भिडियो एक्सरे सेवा छाला यौन रोग तथा कुष्ठरोग जेनेरल फिजिसियन विशेषज्ञ सेवाको उपचार भएको कर्णाली स्वास्थ्य विज्ञान प्रतिष्ठानका उपकुलपति डाक्टर मंगल रावलले जानकारी दिए। उपचार गर्न मध्येका अधिकांश हाडजोर्नी र नशा रोगको बिरामीको संख्या धेरै देखिएको उपकुलपति रावलले बताए।