ललितपुरको अल्का अस्पतालकी कर्मचारीको हत्या

काठमाण्डाैंः ललितपुरको अल्का अस्पतालकी कर्मचारीको हत्या भएको छ । ३९ वर्षीय गीता केसीको शव गोदावारी नगरपालिका-१०, मुलडोलस्थित लेलेको जंगलमा भेटिएको हो ।

उनको हत्यामा संलग्न भएको आशंकामा केसीको घर रहेको भैंसीपाटी क्षेत्रबाट भतिजा निर्मल केसी पक्राउ परेका छन् । उनलाई अहिले ललितपुर प्रहरी परिसर, जावलाखेलको हिरासतमा राखेर अनुसन्धान थालिएको छ ।

प्रारम्भिक अनुसन्धानमा गीताको घाँटी थिचेर हत्या गरिएको हुनसक्ने देखिएको छ । केसीको परिवारले उनी हराएको भन्दै तीन दिनअघि महानगरीय प्रहरी परिसर, ललितपुरमा उजुरी दिएको थियो ।

प्रहरीले खोजतलास गरिरहेकै बेला शुक्रबार साँझ मुख्य सडकबाट दुई सय मिटरभित्र लेलेको जंगलमा महिलाको शव भेटिएको महानगरीय प्रहरी वृत्त, चापागाउँका डीएसपी कृष्णराज ओझाले बताए ।

हाल शवलाई पोष्टमार्टमका लागि पाटन अस्पताल लैजाने तयारी भइरहेको छ । केसीको हत्याबारे अनुसन्धान भइरहेको ललितपुर प्रहरीका डीएसपी सन्तोष तामाङले जानकारि दिए ।