पूर्वगृहसचिव, आईजीपी र सीडीओको विदेश भ्रमण र स्थान हद फुकुवा

काठमाडौँ, पुस ८ गते । जेनजी आन्दोलन (भदौ २३ र २४) घटनाको छानबिन गर्न बनेको जाँचबुझ आयोगले तत्कालीन गृहसचिव, प्रहरी प्रमुख र प्रमुख जिल्ला अधिकारीको स्थान हद फुकुवा गरेको छ । अनुसन्धानका लागि बयान लिन भन्दै आयोगले यसअघि स्थान हदको निर्णय गरेको थियो ।

मंगलबार आयोगले तत्कालीन गृहसचिव गोकर्णमणि दुवाडी, प्रहरी महानिरीक्षक (आईजीपी) चन्द्रकुवेर खापुङ र काठमाडौँका  प्रमुख जिल्ला अधिकारी (सीडीओ) छविलाल रिजालको स्थान हद फुकुवा गरेको हो ।

आयोगले उहाँहरुको स्थान हदको निर्णय फुकुवा गर्ने निर्णय गरेकोे विज्ञप्तिमार्फत् जानकारी गराएको छ । आयोगले आन्दोलनका विषयमा उहाँहरुसँग बयान लिएपछि स्थान हदको निर्णय फुकुवा गरेको हो ।