मंग्सिर ३, २०८३ बिहिबार November 19, 2026

एनएनआइपिए स्पोर्ट्स अवार्ड २०८१ : गुरुङ र श्रेष्ठ सर्वोत्कृष्ट खेलाडी

नेपालबाट टेबल टेनिसबाट ओलम्पिकमा छनोट हुने पहिलो नेपाली खेलाडी

शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ । कराँतेकी एरिका गुरुङ र टेबल टेनिस खेलाडी स्यान्टु श्रेष्ठ २० औँ एनएनआइपिए स्पोर्ट्स अवार्ड २०८१ मा सर्वोत्कृष्ट खेलाडी बन्न सफल भएका छन् ।

नेपाल राष्ट्रिय तथा अन्तर्राष्ट्रिय खेलाडी सङ्घको आयोजनामा काभ्रेपलाञ्चोकको बनेपा नगरपालिका स्थित चण्डेश्वरी मन्दिर परिसरमा भएको अवार्डमा टेबल टेनिसका स्यान्टुले ओलम्पिकको दक्षिण एसियाली छनोट जितेका थिए ।

उनी नेपालबाट टेबल टेनिसबाट ओलम्पिकमा छनोट हुने पहिलो नेपाली खेलाडी बन्दै इतिहास रचेका थिए । स्टार कराँते खेलाडी एरिका वर्ल्ड कराँते वान युथ लिग मा ऐतिहासिक रजत पदक जितेकी थिइन् । साथै अष्ट्रेलियन ओपन कराँतेमा पनि ऐतिहासिक स्वर्ण जितिन् ।

ऐरिका र स्यान्टुले सर्वोत्कृष्ट खेलाडी अवार्डसँगै एक लाख रुपैयाँ प्राप्त गरेका छन् ।

प्रतिभावान् पुरुषको अवार्ड तेक्वेन्दोका अभिषेक बराल र बक्सिङकी स्वस्तिका तिरूवाले जिते । यस्तै ओलम्पिकमा आबद्ध २६ खेलका खेलाडी वर्ष उत्कृष्ट खेलाडी बने ।

एनएनआइपिए पत्रकारिता पुरस्कारबाट सिनियर फोटो पत्रकार उदिप्त सिंह क्षेत्री सम्मानित भए । स्थानीय आयोजक बनेपा नगरपालिका रहेको अवार्ड कार्यक्रम पहिलो पटक काठमाडौँ उपत्यका बाहिर भएको हो ।

नेपाल ओलम्पिक कमिटी (एनओसी) मा आबद्ध  २६ खेललाई  वर्ष उत्कृष्ट खेलाडी–२०८१ बाट समेटिएको थियो ।

२७ खेललाई पत्राचार गरेपनि सुटिङबाट २०८१ मा कुनै खेल आयोजना नभएको भन्दै खेलाडीको नाम पठाउन असमर्थ रहेको भनेपछि सुटिङ खेलाडी अवार्डमा सहभागी गर्न नसकिएको आयोजकले जानकारी दिएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार
रूपन्देही लगायत लुम्बिनीका १० जिल्ला कुष्ठरोगको जोखिममा
२०८३ मंग्सिर ३, बिहिबार
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार