मंग्सिर ३, २०८३ बिहिबार November 19, 2026

राष्ट्रिय लन टेनिसको उपाधि प्रणव मानन्धरलाई

३५ प्लस सिङ्गलको उपाधि कमल बहादुर भण्डारी जिते

शेयर गर्नुहोस:
फन्ट परिवर्तन गर्नुहोस: अ अ अ

रुपन्देही । आठौँ राष्ट्रिय खुल्ला लन टेनिस प्रतियोगिता-२०८२ को उपाधि प्रणव मानन्धरले चुमेका छन् ।

रुपन्देही लन टेनिस सङ्घको आयोजनामा बुटवल देविनगरस्थित टेनिस कोर्टमा भएको पुरुष एकलको फाइनलमा आयुषमान घलेलाई २-६, ६-०, ६-२ को सेटमा पराजित गर्दै उपाधि चुमे । उपाधिसँगै उनले नगद ६० हजार, कप, मेडल तथा प्रमाणपत्रबाट पुरस्कृत भए ।

उपविजेता घले भने नगद ३० हजार, कप, मेडल तथा प्रमाणपत्रमा चित्त बुझाए ।

शुक्रबार नै सम्पन्न ३५ प्लस सिङ्गलको उपाधि भने कमल बहादुर भण्डारी जितेका छन् । फाइनलमा अनिल साइलाई ३-६, ६-१, १०-७ को सेटमा पराजित गर्दै भण्डारीले उपाधि चुमेका हुन् । प्रतियोगितामा विभिन्न ११ विधामा प्रतिस्पर्धा भएको संघका कोषाध्यक्ष डा प्रकाश बस्नेतले बताए ।

प्रतियोगितामा पुरुष/महिला एकलको विजेताले नगद ६०/६० हजार, उपविजेताले नगद ३० हजार तथा तृतीय स्थान हासिल गर्ने खेलाडीले २० हजारसहित कप, मेडल, प्रमाणपत्रबाट पुरस्कृत गरिएको उनले बताए ।

यसैगरि पुरुष ३५ प्लस, पुरुष ४५ प्लस, पुरुष ५५ प्लस, पुरुष ६५ प्लसका विजेताले क्रमशः ४० हजार, ३५ हजार, २५ हजार र १५ हजार रुपैयाँ, उपविजेताले २० हजार, २० हजार, १५ हजार र सात हजार पाँच सय रुपैयाँ, कप, मेडल, प्रमाणपत्रबाट पुरस्कृत गरिने उनले बताए ।

बुटवल उपमहानगरपालिकाका प्रमुख खेलराज पाण्डेय, नेपाल टेनिस संघका केन्द्रिय अध्यक्ष मनोहरदास मुल, केन्द्रिय सदस्यहरु गोपाल ज्ञवाली, अशोक गुरुङ लगायतले पुरस्कार वितरण गरेका थिए ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार
रूपन्देही लगायत लुम्बिनीका १० जिल्ला कुष्ठरोगको जोखिममा
२०८३ मंग्सिर ३, बिहिबार
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार
एनसेलको थ्रीजी युग अन्त्य हुँदै, पुस २ देखि फोरजीमा केन्द्रित सेवा
२०८३ मंग्सिर ३, बिहिबार