युरोपेली युनियनको नविन प्रतिवन्दको प्रतिक्रीयामा रूसद्वारा ईयु अधिकारीलाई रूसी क्षेत्र प्रवेश प्रति वन्द जारी

मस्को, वैशाख १५ गते । रूसी विदेश मन्त्रालयले युरोपेली युनियनले लगाएको  नविन प्रतिबन्धको प्रतिक्रियामा मस्कोले युरोपेली युनियन (ईयू) का अधिकारीलाई रूसी क्षेत्र प्रवेश गर्न प्रतिबन्ध लगाएको घोषणा गरेको छ ।

युक्रेनलाई सैन्य सहायता दिने निर्णयमा संलग्न युरोपेली संस्था र ईयू सदस्य राष्ट्रका प्रतिनिधिको प्रवेशमा मस्कोले प्रतिबन्ध लगाएको विदेश मन्त्रालयले विज्ञप्तिमार्फत पुष्टि गरेको छ । मन्त्रालयले ईयूको प्रतिवन्द नविकरण निर्णयको प्रतिक्रियामा, रूसी पक्षले ईयूसँग सम्बन्धित संस्था, ईयूका सदस्य राष्ट्र, र धेरै युरोपेली प्रतिनिधिसहितको प्रतिवन्द सूची विस्तार गरेको जनाएको छ ।

यसै गरी प्रतिवन्द सूचीमा युरोपेली युनियन सँगको समन्वय तथा युक्रेनलाई सैन्य सहयोग गर्ने निर्णयमा संलग्न अन्य धेरै युरोपेली देशका प्रतिनिधिलाई समावेश गरी विज्ञप्ति जारी गरिएको जनाइएको छ । यस अघि अप्रिल २३ मा ईयूले रूसविरुद्ध २० औं प्रतिबन्धको नविकरण गरेको थियो । रासस/क्यूएनए