श्रावण २०, २०८३ बुधबार
August 5, 2026
युग खबर
२०८३ श्रावण २०, बुधबार
काठमाडौँ । रोजगार अनुमति प्रणाली (ईपीएस) अन्तर्गत दक्षिण कोरियाको रोजगारीका लागि सन् २०२६ को भाषा परीक्षामा ७ हजार २ सय नेपाली छनोट गर्न आवेदन खुला गरिएकोमा मंगलबार रातिसम्म ६८ हजार ५५८ भन्दा बढी आवेदन परेको छ।
ईपीएस शाखाका अनुसार उत्पादन, कृषि तथा पशुपालन, सेवा र वनपैदावार क्षेत्रमा कामदार छनोटका लागि आवेदन माग गरिएको हो। अनलाइन आवेदनका कारण अन्तिम दिनसम्म आवेदक संख्या करिब ७५ हजार पुग्ने अनुमान गरिएको छ।
हाल उत्पादन, कृषि तथा पशुपालन र सीबीटी (कोरिया रिटर्न) तर्फ गरी करिब ९ हजार ६ सय नेपाली प्रतीक्षासूचीमा रहेका छन्। उनीहरूमध्ये अधिकांश यसै वर्ष कोरिया जान सक्ने अपेक्षासहित नयाँ भाषा परीक्षाको आवेदन माग गरिएको शाखाले जनाएको छ।
कोरियाले यस वर्ष अझै दुई चरणमा थप कामदार माग गर्ने तयारी गरिरहेको र आगामी भाषा परीक्षा दशैँअघि वा लगत्तै हुन सक्ने अनुमान गरिएको छ। दक्षिण कोरियाले सन् २०२६ का लागि न्यूनतम पारिश्रमिक बढाएर प्रतिघण्टा १० हजार ३ सय २० वन कायम गरेपछि नेपाली युवामाझ कोरिया रोजगारीको आकर्षण थप बढेको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया