मंग्सिर १, २०८३ मंगलबार November 17, 2026

जनता प्रगतिशील पार्टीबाट निर्वाचित वडाध्यक्ष बढईको निधन

महाराजगन्ज नगरपालिकाले आज मङ्गलवार एक दिनका लागि शोक बिदा दिने निर्णय

शेयर गर्नुहोस:
फन्ट परिवर्तन गर्नुहोस: अ अ अ

कपिलवस्तु, मङ्सिर १ गते । कपिलवस्तुको महाराजगन्ज नगरपालिकाका वडाध्यक्ष रामरुप बढईको निधन भएको छ । महाराजगन्ज नगरपालिका–७ का वडाध्यक्ष बढईको मुटुसम्बन्धी रोगबाट ग्रसित भई उपचारका क्रममा सोमबार राति निधन भएको हो ।

केही महिनाअघि मुटुको शल्यक्रियासमेत गराउनुभएका बढईको भारतको लखनउस्थित पीजीआई अस्पतालमा उपचार भइरहेको थियो । बढई जनता प्रगतिशील पार्टीबाट वडाध्यक्षमा निर्वाचित हुनुभएको थियो ।

यसैबिच वडाध्यक्ष बढईको निधनप्रति दुःख व्यक्त गर्दै महाराजगन्ज नगरपालिकाले मङ्गलवार एक दिनका लागि शोक बिदा दिने निर्णय गरेको जनाएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया