एजेन्सी । इण्डियन प्रिमियर लिग (आइपिएल) २०२७ को खेलाडी अक्सन आगामी डिसेम्बर १६ मा भारतको गोवामा हुने भएको छ । आइपिएलले बुधबार अक्सनको मिति र स्थान सार्वजनिक गरेको हो । यसअघि मंगलबार प्रतियोगितामा सहभागी सबै फ्रेन्चाइज टोलीले रिटेन र रिलिज गरेका खेलाडीको सूची सार्वजनिक गरिसकेका छन् ।
तीन वर्षपछि आइपिएलको खेलाडी अक्सन भारतमा हुन लागेको हो । यसअघि पछिल्ला तीन संस्करणका अक्सन क्रमशः दुबई, जेद्दाह र अबुधाबीमा आयोजना भएका थिए । यसपटक फ्रेन्चाइज टोलीहरूको आग्रहपछि भारतीय क्रिकेट नियन्त्रण बोर्ड (बिसिसिआई) ले अक्सन भारतमै आयोजना गर्ने निर्णय गरेको हो ।
आइपिएल २०२७ को नयाँ सिजन आगामी मार्चको अन्त्यतिर सुरु हुने अपेक्षा गरिएको छ । अक्सनबाट टोलीहरूले आगामी सिजनका लागि आवश्यक खेलाडी छनोट गरी आफ्नो टोलीलाई अन्तिम रूप दिनेछन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया