कार्तिक ११, २०८३ बुधबार
October 28, 2026
न्युज डेस्क
२०७६ असोज २५, शनिबार
काठमाण्डौः अन्तर्राष्ट्रिय क्रिकेट परिषद् (ICC) ले सार्वजनिक गरेको टी ट्वान्टी वरियतामा नेपालका तीन जना खेलाडी पहिलो पटक छनौट भएका छन् ।
छनौट भएका राष्ट्रिय टोलीका सदस्यहरूमा सन्दीप लामिछाने, करण केसी र अविनाश बोहरा पहिलो पटक आइसिसीको टी ट्वान्टी क्रिकेटको नयाँ वरियतामा समावेश भएका हुन् ।
नेपाली बलरहरुमा सन्दीप लामिछाने शीर्ष स्थानमा रहेका छन् । वरियताको बलिङतर्फ लामिछाने ६४औँ स्थानमा रहेका छन् । हालसम्म सन्दीपले ४२२ रेटिङ अङ्क पाएका छन् ।
यसैगरी ३७७ रेटिङ अङ्क पाएका करण ८३औँ स्थानमा रहेका छन् । ३५२ रेटिङ अङ्क पाएका अविनाश १०० औँ स्थानमा छन् ।
त्यस्तै बलिङतर्फ सोमपाल ४०८ रेटिङ अङ्क सहित ६८ औँ स्थानमा छन् । ३८६ रेटिङ अङ्क पाएका वसन्त ९०औँ स्थानमा झरेका छन् । टी ट्वान्टीको अलराउन्डर वरियतातर्फ कप्तान पारस खड्का २४औँ स्थान माथी उक्लिएका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया