मंग्सिर ६, २०८३ आइतबार November 22, 2026

एनपीएल तेस्रो संस्करण : सुदूरपश्चिमलाई उपाधिसँगै डेढ करोड, खेलाडीले पाए आकर्षक पुरस्कार

एनपीएलमा रिजन ढकाल उत्कृष्ट नेपाली खेलाडी र उत्कृष्ट बलर घोषित

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । नेपाल प्रिमियर लिग (एनपीएल) क्रिकेटको तेस्रो संस्करणमा उत्कृष्ट प्रदर्शन गर्ने टोली तथा खेलाडीले विभिन्न पुरस्कार प्राप्त गरेका छन् । शनिवार सम्पन्न प्रतियोगिताको फाइनलमा लुम्बिनी लायन्सलाई १० विकेटले पराजित गर्दै सुदूरपश्चिम रोयल्सले पहिलोपटक उपाधि जितेको थियो ।

उपाधि जितेको सुदूरपश्चिम रोयल्सले एक करोड ५० लाख रुपैयाँ पुरस्कार पाएको छ । उपविजेता लुम्बिनी लायन्सले ८० लाख रुपैयाँ प्राप्त गरेको छ । त्यस्तै, तेस्रो भएको चितवन राइनोजले ४० लाख र चौथो भएको काठमाडौं गोर्खाजले ३० लाख रुपैयाँ पुरस्कार पाएका छन् ।

व्यक्तिगत विधातर्फ सुदूरपश्चिम रोयल्सका कप्तान दीपेन्द्रसिंह ऐरी प्रतियोगिताकै उत्कृष्ट खेलाडी घोषित भएका छन् । उनले पाँच लाख रुपैयाँ पुरस्कार प्राप्त गरेका छन् ।

चितवन राइनोजका रिजन ढकाल प्रतियोगिताको उत्कृष्ट नेपाली खेलाडी घोषित हुँदै विद्युतीय गाडी पुरस्कार पाउन सफल भएका छन् । प्रतियोगितामा सर्वाधिक १७ विकेट लिएका ढकालले गोल्डेन क्यापसँगै दुई लाख रुपैयाँ पनि प्राप्त गरेका छन् । उनी उत्कृष्ट बलरसमेत घोषित भएका छन् । उत्कृष्ट बलर बनेबापत उनले मोटरसाइकल पुरस्कार पाएका छन् ।

यसैगरी, विराटनगर किङ्सका लोकेश बम नेपाली खेलाडीमध्ये सर्वाधिक रन बनाउने खेलाडी घोषित भएका छन् । उनले प्रतियोगितामा २४२ रन बनाएका थिए । यस उपलब्धिका लागि उनले मोटरसाइकल पुरस्कार प्राप्त गरेका छन् ।

त्यस्तै, जनकपुर बोल्ट्सका राहुल यादव प्रतियोगिताको उदयीमान खेलाडी घोषित भएका छन् । उनले पनि मोटरसाइकल पुरस्कार प्राप्त गरेका छन् । चितवन राइनोजका कमिल मिसार प्रतियोगिताको उत्कृष्ट ऊर्जाशील खेलाडी घोषित भएका छन् । उनले दुई लाख रुपैयाँ पुरस्कार पाएका छन् ।

पोखरा एभेन्जर्सका युवराज साम्राले प्रतियोगितामा सर्वाधिक २९४ रन बनाउँदै प्लेटिनम क्याप जितेका छन् । उनले यस विधामा दुई लाख रुपैयाँ पुरस्कार प्राप्त गरेका छन् । त्यस्तै, लुम्बिनी लायन्सले यस सिजनको एमसीसी स्पिरिट अफ क्रिकेट अवार्ड जितेको छ ।

मेरिलेबोन क्रिकेट क्लब (एमसीसी) ले एनपीएलसँग सहकार्य गर्दै प्रतियोगितामा उत्कृष्ट खेलभावना, निष्पक्ष खेल प्रदर्शन तथा विपक्षी टोली, खेल पदाधिकारी र दर्शकप्रति सम्मान देखाउने टिमलाई गत सिजनदेखि यो अवार्ड दिन शुरु गरिएको हो । गत सिजनमा यो अवार्ड काठमाडौँ गोर्खाजले पाएको थियो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
प्रधानमन्त्री शाहको भ्रमणबाट नेपाल-भारत सम्बन्ध थप सुदृढ हुने रास्वपाको विश्वास
२०८३ मंग्सिर ६, आइतबार
प्रधानमन्त्री शाह दुईदिने राजकीय भ्रमणका लागि भारत प्रस्थान
२०८३ मंग्सिर ६, आइतबार
Prime Minister Shah Heads to India for Talks with Narendra Modi
२०८३ मंग्सिर ६, आइतबार
नेपाल खुला विश्वविद्यालयमा भर्ना खुल्यो, MBA का लागि २.५ CGPA अनिवार्य
२०८३ मंग्सिर ६, आइतबार
प्राङ्गारिक खेती गर्न ७५ प्रतिशत अनुदान दिँदै टेम्केमैयुङ
२०८३ मंग्सिर ६, आइतबार
Madhesh Province Chief Minister Saroj Kumar Yadav to Form All-Party Government
२०८३ मंग्सिर ६, आइतबार
चेपाङ विद्यालयका १३० विद्यार्थीलाई सांग्रिला बैंकको शैक्षिक सामग्री सहयोग
२०८३ मंग्सिर ६, आइतबार