काठमाडौंः काठमाडौं उपत्यकामा भोलि (मंगलबार) देखि सार्वजनिक सवारीसाधन जोर-बिजोरमा चल्न पाउने भएका छन् । सोमबार बिहान १० बजे काठमाडौ उपत्यकाका तीनवटै जिल्लाका प्रमुख जिल्ला अधिकारीहरुको बैठकले निषेधाज्ञा एक साता लम्ब्याउदै उक्त निर्णय गरेको हो ।
काठमाडौंका प्रमुख जिल्ला अधिकारी कालिप्रसाद पराजुलिका अनुसार २५ सिटभन्दा बढी क्षमताका सार्वजनिक सवारी साधन जोर–बिजोर प्रणालीको आधारमा उपत्यकाभित्र संचालन हुन पाउने भएका छन् । ती बसहरूले स्वास्थ्य मापदण्ड पालना गर्नुपर्ने, बसमा सेनीटाइजर राख्ने तथा सिटमा यात्रुको दूरी राख्नुपर्ने छ ।
सिट क्षमता कम भएका सार्वजनिक सवारीसाधन चलाउन भने रोक लगाइएको छ। धेरै सिट भएका सवारीसाधनमा दुरी कायम राखेर यात्रुहरु ओहोरदोहोर गराउन पाइने छ । अन्य खाद्यान्न तथा उपभोग्य वस्तुका पसलहरु बिहान ११ बजेदेखी बेलुकी ६ बजेसम्म खोल्न दिने निर्णय भएको भक्तपुरका प्रमुख जिल्ला अधिकारी प्रेम प्रसाद भट्टराईले जानकारी दिए।
उपत्यकामा उल्लेखनीय रुपमा कोरोना संक्रमण नघटेकाले निषेधाज्ञालाई भने निरन्तरता दिइएको उहाँले बताउनुभयो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया