श्रावण ७, २०८२ बुधबार
July 23, 2025
युग खबर
२०७८ असोज ८, शुक्रबार
काठमाण्डौंः झापाको मेचीनगर नगरपालिका क्षेत्रमा रहेका विभिन्न चिया बगानमा कार्यरत मजदुरहरूलाई कोभिड–१९ विरुद्धको खोप लगाइएको छ ।
बिहीबार मेचीनगर ८ मा रहेको टोकला चिया कमान र ६ तथा ७ नम्बर वडामा रहेको सतिघट्टा चिया बगानमा कार्यरत ७८६ जना मजदुरलाई खोप लगाएको हो ।
टोकला चिया कमानमा कार्यरत ३६८ र सतिघट्टा चिया बगानमा कार्यरत ४१९ जना मजदुरलाई बगान तथा कारखानामै पुगेर भेरोसिलको पहिलो मात्रा खोप लगाइएको नगरपालिकाका सञ्चार संयोजक लक्ष्मी उप्रेतीले जानकारी दिनु भयो ।
मजदुरहरूलाई खोप लगाउने कार्यक्रमलाई निरन्तरता दिइने नगरपालिकाकी उपप्रमुख मिना पोखरेल उप्रेतीले जानकारी दिनुभयो ।
उहाँले आज शुक्रवार थप ३ सय मजदुरलाई खोप लगाइने बताउनुभयो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया