पत्रकार जीवन भण्डारीको बाल गीत ‘मिठी पापा’ सार्वजनिक (भिडियो)

काठमाण्डौंः पत्रकार जीवन भण्डारीले लेखेको नयाँ बाल गीत ‘मिठी पापा’को भिडियो सार्वजनिक गरिएको छ ।

यो गीत व्यस्त वावु आमाले छोराछोरीलाई समय दिन नसकेको विषयमा केन्द्रीत छोटो चलचित्र ‘आराध्या’ को शीर्ष गीत हो । बालगायिका आरसिया साहको मिठो स्वर रहेको गीतमा संगीतकार विशाल निरौलाले संगीत तथा एरेन्ज गरेका छन ।

गीतमा वालवालिकाको चाहना र वावु आमाको आग्रहलाई समेटिएको छ । वाल्यकालदेखि नै वाल साहित्य सृजना गर्दै आएका पत्रकार भण्डारीका अरु पनि दर्जनौ वालसृजना छन् । पत्रकार भण्डारी अहिले राष्ट्रिय समाचार समितिमा उपसम्पादक र नेपाली रेडियो नेटवर्कमा समाचार निर्देशकका रुपमा कार्यरत छन् ।

चलचित्र र गीत दुवैमा चर्चित कलाकारहरु आमिर गौतम, सुरविना कार्की, सफु बुढाथोकी, सफलता भण्डारी, प्रान्जल पौडेल लगायतको अभिनय रहेको छ । गीत राम्रो इन्टरटेनमेन्ट युट्युव च्यानलमा राखिएको छ ।

दर्जनौ छोटा चलचित्र बनाइसकेका चलचित्रकर्मी रामजी ज्ञवालीको लेखन तथा निर्देशनमा तयार छोटो चलचित्र आराध्या भने केहि दिनमा सार्वजनिक गरिनेछ ।

भिडियोमा हेर्नुहोस्ः

https://youtu.be/J7C4OwzqsVM