यस्तो छ ‘के घर के डेरा’ को फस्टलूक

काठमाडौंः आगामी कात्तिक ४ गतेदेखि प्रदर्शनमा आउने नयाँ नेपाली फिल्म ‘के घर के डेरा’ का तीन वटा फस्टलुक पोस्टर सार्वजनिक भएका छन् ।

दीपेन्द्र के खनाल निर्देशित यो फिल्मको पोस्टरमा दयाहाङ राई, विपिन कार्की, वर्षा राउत, सुरक्षा पन्त र रविन्द्र झा फिचर्ड छन् ।

एक पोस्टरमा विपिनलाई चुरोटको बट्टाबाट काजु झिकेर खाँदै गरेको देख्न सकिन्छ । दोस्रो पोस्टरमा टाई–कोट र कालो चस्मामा ठाटिएका दयाहाङले आकाशतिर हेरेका छन् ।

तेस्रो पोस्टरमा वर्षालाई खुशी बनाउन विपिनले लालपुर्जा देखाइरहेको दृश्य छ । पृष्ठभुमिमा सुरक्षा र रविन्द्र हर्षित मुद्रामा देखिएका छन् ।

महेश दवाडीको पटकथा तथा संवाद रहेको यो फिल्ममा लक्ष्मी गिरी, आशान्त शर्मा, प्रभाकर न्यौपाने, सरोज अर्याल, भोलाराज सापकोटा, घनश्याम जोशी, कोशिस क्षेत्री बाल कलाकार आयुशी ढकालको पनि अभिनय छ ।

सिंगे लामाको कथा रहेको सिनेमामा शंकर थापा स्माइलरकोशिस क्षेत्रीको संगीत, दिर्घ गुरुङको छायांकन र दिर्घ खड्काको सम्पादन छ ।

ए प्लस इन्टरटेनमेन्टको व्यानरमा निर्मित सिनेमाका कार्यकारी निर्माता युवराज कार्की हुन् । सिनेमाको निर्मातामा शरद श्रेष्ठ, राजीब श्रेष्ठ र किरण महर्जन छन् ।मनोरञ्जन